Taltoy

Taltoy Sep 2017

Walang pagkakaisa,
Tunog ay di iisa,
Iyan tayong dalawa,
Bagay na di tumugma.

Taltoy Sep 2017

Hindi maitatanggi,
Ang gandang natatangi,
Wala kang mahihingi,
Ika'y mapapangiti.

Taltoy Sep 2017

Itim ang natatanaw,
Kadilimang napukaw,
Sa mundo kong mapanglaw,
Aking tahimik na sigaw.

Taltoy Sep 2017

Bakas ng nakaraan,
Mga kinalimutan,
Sa tinahak, iniwan,
Nasa ating likuran.

Taltoy Sep 2017

Tula, isang salamin,
Salamin ng damdamin,
Pighati't mga sakit,
Kaligayaha't kilig.

Taltoy Sep 2017

Bawat luhang pumatak,
Dinanas nakatatak,
Upang tumugma, alak,
Sasabay sa 'yong indak.

Taltoy Sep 2017

Isang bagong umpisa,
Isang bagong pahina,
Storya, pagsisimula,
Ang unang kabanata.