By: SDV/Ferdiand S. Panerio+


Pagmulat sa dapithapong umaga,
Dahil sa haplos ng simoy na kay ganda.
Kay sarap limiin, damhin sa guniguni,
Ang lamig **** tagos hanggang dibdib,
O Maragusan, himbing ng aking pagiisip.

Hindi ka lamang lupang sinilangan,
Kundi sabsaban ng likas na kayamanan.
Luntiang paraisong sa puso’y nakaukit,
Sa bawat patak ng hamog, ikaw ay iniibig.


Maragusan—tahanan ng aking alaala,
Sa bawat ulap, bulaklak, at bituin
Maragusan—huwaran ng ganda at sigla,
Sa iyo pa rin, puso ko’y mananahan.